ਗਜ਼ਲ (ਗ਼ਜ਼ਲ )

ਠਾਕੁਰ ਪ੍ਰੀਤ ਰਾਊਕੇ   

Email: preetrauke@gmail.com
Cell: +1519 488 0339
Address: 329 ਸਕਾਈ ਲਾਈਨ ਐਵੀਨਿਊ
ਲੰਡਨ Ontario Canada
ਠਾਕੁਰ ਪ੍ਰੀਤ ਰਾਊਕੇ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਜਾਲਮਾਂ ਨੇ ਯੋਧਿਆਂ ਦੇ ਨਾਂ ਧਰੇ।
ਅੱਤਵਾਦੀ, ਵੱਖਵਾਦੀ, ਸਿਰ ਫਿਰੇ।

ਬਸਤੀਆਂ ਢਾ੍ਹ ਕੇ ਉਸਾਰੇ ਬੰਗਲੇ,
ਬਸਤੀਆਂ ਦੇ ਵਾਸੀ ਕੀਤੇ ਬੇ-ਘਰੇ।

ਡੁੱਬ ਚੱਲੀ ਹੈ ਜਵਾਨੀ ਕੁਝ ਕਰੋ,
ਲੋਚਦੇ ਹੋ ਕਿਉ ਪਰਾਏ ਅਸਰੇ।

ਤੰਦ ਨਹੀ ਉਲਝੀ ਹੈ ਤਾਣੀ ਦੋਸਤੋ,
ਸੌਖਿਆ ਹੀ ਲੱਭਣੇ ਨਾ ਹੁਣ ਸਿਰੇ।

ਆਸ ਰੱਖਾਂ ਕਿਸ ਤਰਾਂ ਇਨਸਾਫ ਦੀ,
ਸਾਜਿਸੀ ਲੋਕਾਂ 'ਚ ਹਨ ਮੁਨਸਿਫ ਘਿਰੇ।

ਰਾਜ ਕਰਤਾ ,ਮੰਤਰੀ ਤੇ ਸੰਤਰੀ ,
ਸਭ ਲੁਕਾਈ ਵਾਸਤੇ ਹਨ ਓਪਰੇ ।

ਹੌਸਲੇ ਬਿਨ 'ਪ੍ਰੀਤ' ਵਰਤੇ ਜਾਣ ਨਾ,
ਕੰਮ ਸ਼ਸ਼ਤਰ ਆਉਣ ਨਾ ਤਿੱਖੇ ਕਰੇ ।