ਹਾਏ ਗਰਮੀ ਹਾਏ ਗਰਮੀ ਗਰਮੀ
ਹਾਏ ਗਰਮੀ ਹਾਏ ਗਰਮੀ ਏਨੀ ਉਫ ਉਫ ਕਰਦੇ ਸਾਰੇ ਨੇ
ਧਰਤੀ ਤਪ ਗਈ ਅੰਬਰ ਤਪਿਆ ਤਪ ਗਏ ਚੰਨ ਤੇ ਤਾਰੇ ਨੇ
ਹਾਏ ਗਰਮੀ ਹਾਏ ਗਰਮੀ ਏਨੀ
ਹਾਏ ਗਰਮੀ ਹਾਏ ਗਰਮੀ ਗਰਮੀ
ਦਿਨੇਂ ਵੀ ਗਰਮੀ ਰਾਤ ਵੀ ਗਰਮੀ ਪਾਰਾ ਜ਼ਰਾ ਨਾ ਲਹਿੰਦਾ
ਦਿਨੇ ਸੂਰਜ ਦੀਆਂ ਤਿੱਖੀਆਂ ਅੱਖੀਆਂ ਰਾਤ ਨੂੰ ਰੋਕਾ ਰਹਿੰਦਾ
ਬਿਜਲੀ ਦੇ ਕੁਨੈਕਸ਼ਨ ਟੁੱਟਦੇ ਏ.ਸੀ. ਵੀ ਥੱਕ ਹਾਰੇ ਨੇ
ਧਰਤੀ ਤਪ ਗਈ ਅੰਬਰ ਤਪਿਆ ਤਪ ਗਏ ਚੰਨ ਤੇ ਤਾਰੇ ਨਂੇ
ਹਾਏ ਗਰਮੀ ਹਾਏ ਗਰਮੀ ਏਨੀ
ਹਾਏ ਗਰਮੀ ਹਾਏ ਗਰਮੀ ਗਰਮੀ
ਇਕ ਗਰਮੀ ਅਸਮਾਨੋਂ ਪੈਂਦੀ ਪਿੰਡਾ ਲੂੰਹਦੀ ਜਾਵੇ
ਦੂਜੀ ਗਰਮੀਂ ਬੰਦਿਆਂ ਅੰਦਰ ਕੈਹਰ ਸਦਾ ਹੀ ਢ੍ਹਾਵੇ
ਦੋਹਾਂ ਹਥੋਂ ਸਤਿ'ਕੇ ਲੋਕੀਂ ਫਿਰਦੇ ਮਾਰੇ ਮਾਰੇ ਨੇ
ਧਰਤੀ ਤਪ ਗਈ ਅੰਬਰ ਤਪਿਆ ਤਪ ਗਏ ਚੰਨ ਤੇ ਤਾਰੇ ਨੇ
ਹਾਏ ਗਰਮੀ ਹਾਏ ਗਰਮੀ ਏਨੀ
ਹਾਏ ਗਰਮੀ ਹਾਏ ਗਰਮੀ ਗਰਮੀ
ਲੇਖਕ ਵੀ ਗਰਮੀ ਵਿਚ ਆ ਕੇ ਚੁਂੰਜਾਂ ਜਦੋਂ ਲੜਾ ਬਹਿਂਦੇ ਨੇ
ਸਭਿਅਤਾ ਫਿਰ ਪਾਸੇ ਹੋ ਜਾਏ ਕੁੰਡ੍ਹੇ ਸਿੰਗ ਫਸਾ ਬਹਿਂਦੇ ਨੇ
ਅੰਦਰੋਂ ਅੰਦਰੀ ਲੋਕੀਂ ਹਸਦੇ ਆਖਣ ਬੜੇ ਨਕਾਰੇ ਨੇ
ਧਰਤੀ ਤਪ ਗਈ ਅੰਬਰ ਤਪਿਆ ਤਪ ਗਏ ਚਮਨ ਤੇ ਤਾਰੇ ਨੇ
ਹਾਏ ਗਰਮੀ ਹਾਏ ਗਰਮੀ ਏਨੀ
ਹਾਏ ਗਰਮੀ ਹਾਏ ਗਰਮੀ ਗਰਮੀ
ਗਰਮੀ ਜਦੋਂ ਮਗਜ਼ ਚੜ੍ਹ ਜਾਂਦੀ ਆਗੂ ਬੇਕਾਬੂ ਹੋ ਜਾਂਦੇ
ਮੰਦਾ ਬੋਲਣੋ ਮੂਲ ਨ ਝਿਜਕਣ ਇਕ ਦੂਜੇ ਦੀਆਂ ਪਗਾਂ ਲਾਹੁੰਦੇ
ਧਰਮ ਅਸਥਾਨੀ ਹੋ ਕੇ 'ਕਠੇ ਬੋਲਣ ਬੋਲ ਕਰਾਰੇ ਨੇ
ਧਰਤੀ ਤਪ ਗਈ ਅੰਬਰ ਤਪਿਆ ਤਪ ਗਏ ਚੰਨ ਤੇ ਤਾਰੇ ਨੇ
ਹਾਏ ਗਰਮੀ ਹਾਏ ਗਰਮੀ ਏਨੀ
ਹਾਏ ਗਰਮੀ ਹਾਏ ਗਰਮੀ ਗਰਮੀ
ਏ. ਸੀ. ਕਮਰਿਆਂ ਦੇ ਵਿਚ ਬੈਠੇ ਜੰਗਬਾਜ਼ ਖਾ ਜਾਂਦੇ ਗਰਮੀ
ਮਾਰ ਦੁਲੱਤੇ ਢਾਹੁੰਦੇ ਸਭ ਕੁਝ , ਮਨ ਵਿਚ ਕਦੇ ਨਾਂ ਆਵੇ ਨਰਮੀ
ਸੌ ਸੌ ਪਹਿਰਿਆਂ ਅੰਦਰ ਬੈਠੇ ਮਾਰਨ ਪਏ ਲਲਕਾਰੇ ਨੇ
ਧਰਤੀ ਤਪ ਗਈ ਅੰਬਰ ਤਪਿਆ ਤਪ ਗਏ ਚੰਨ ਤੇ ਤਾਰੇ ਨੇ
ਹਾਏ ਗਰਮੀ ਹਾਏ ਗਰਮੀ ਏਨੀ
ਹਾਏ ਗਰਮੀ ਹਾਏ ਗਰਮੀ ਗਰਮੀ
ਜੰਗਬਾਜ਼ ਤਾਕਤ ਵਿਚ ਅੰਨ੍ਹੇ ਤਰਸ ਨਾ ਕਿਸੇ ਤੇ ਕਰਦੇ
ਜਦੋਂ ਇਹਨਾਂ ਦੀ ਜੀਭ ਹੈ ਹਿੱਲਦੀ ਪੁੱਤ ਬਿਗਾਨੇ ਮਰਦੇ
ਯੂ. ਐਨ.ਓ ਵੀ ਬੁਢੀ ਹੋ ਗਈ ਆਖਣ ਲੋਕੀਂ ਸਾਰੇ ਨੇ
ਧਰਤੀ ਤਪ ਗਈ ਅੰਬਰ ਤਪਿਆ ਤਪ ਗਏ ਚੰਨ ਤੇ ਤਾਰੇ ਨੇ
ਹਾਏ ਗਰਮੀ ਹਾਏ ਗਰਮੀ ਏਨੀ
ਹਾਏ ਗਰਮੀ ਹਾਏ ਗਰਮੀ ਗਰਮੀ
ਹੁਣ ਤਾਂ ਜਾਗੋ ਸੁੱਤਿਓ ਲੋਕੋ ! ਜਾਗੇ ਬਿਨਾਂ ਨਾ ਸਰਨਾ
ਜੱੰਗਬਾਜ਼ਾਂ ਦੇ ਨੱਥ ਪਾਉਣ ਲਈ ਹੀਲਾ ਪਊ ਕੋਈ ਕਰਨਾ
ਘੱਗ ਜਾਗਦੇ ਸਦਾ ਹੀ ਜਿੱਤੇ ਸੁੱਤੇ ਸਦਾ ਹੀ ਹਾਰੇ ਨੇ
ਧਰਤੀ ਤਪ ਗਈ ਅੰਬਰ ਤਪਿਆ ਤਪ ਗਏ ਚੰਨ ਤੇ ਤਾਰੇ ਨ
ਹਾਏ ਗਰਮੀ ਹਾਏ ਗਰਮੀ ਏਨੀ
ਹਾਏ ਗਰਮੀ ਹਾਏ ਗਰਮੀ ਗਰਮੀ