how to buy naltrexone
naltrexone buy online
click here where can i buy naltrexone online
ਮਾਸਟਰ ਨੇ ਸਕੂਲੇ ਬੱਚੜਾ ਕੁੱਟਿਆ
ਲੈ ਕੇ ਨਾ ਦਿੱਤੀ ਗਈ ਫੱਟੀ
ਮੈਂ ਕਿਹੜੇ ਰਾਹ ਜਾਵਾਂ ਲੋਕੋ
ਮਹਿੰਗਾਈ ਨੇ ਪੱਟੀ
ਬਰਤਨ ਸਾਰੇ ਹੋਗੇ ਖਾਲੀ , ਘਰ ਚੋਂ ਲੂਣ ਵੀ ਮੁੱਕਾ
ਗਿੱਲੇ-ਗੋਹੇ ਰਹਾਂ ਬਾਲਦੀ, ਹੈ ਨੀਂ ਬਾਲਣ ਸੁੱਕਾ
ਬਾਣੀਏ ਬਰੰਗ ਮੋੜਿਆ, ਉਧਾਰ ਨਾ ਆਵੀਂ ਹੱਟੀ
ਮੈਂ ਕਿਹੜੇ ਕਰ ਜਾਵਾਂ ਲੋਕੋ, ਮਹਿੰਗਾਈ ਨੇ ਪੱਟੀ
ਬੱਚੇ ਫਿਰਦੇ ਬਿਨ ਬੂਟਾਂ ਤੋਂ, ਕੱਪੜੇ ਟਾਕੀਆਂ ਲਾਵਾਂ
ਬਿਰਧ ਮਾਪੇ ਵੀ ਰਹਿੰਦੇ ਢਿੱਲੇ, ਕਿੱਥੋਂ ਇਲਾਜ ਕਰਾਵਾਂ
ਢਾਈ ਸੌ ਹੈ ਮਿਲਦੀ ਪੈਨਸ਼ਨ , ਜਾਂਦੀ ਪਲਾਂ 'ਚ ਚੱਟੀ
ਮੈਂ ਕਿਹੜੇ ਰਾਹ ਜਾਵਾਂ ਲੋਕੋ, ਮਹਿੰਗਾਈ ਨੇ ਪੱਟੀ
ਭਾਂਡੇ ਮਾਜਾਂ, ਗੋਹਾ ਸੁੱਟਾਂ, ਤਾਂ ਬੱਚਿਆਂ ਦੀ ਫੀਸ ਚੁਕਾਵਾਂ
ਕੱਪੜੇ ਧੋਣ ਦਾ ਆਡਰ ਮਿਲ ਜੇ, ਉਹ ਵੀ ਧੋ ਕੇ ਆਵਾਂ
ਮੀਟਰ ਬਕਸਾ ਲਮਕੀ ਜਾਵੇ, ਲਵਾਈ ਨ੍ਹੀਂ ਜਾਂਦੀ ਗੱਟੀ
ਮੈਂ ਕਿਹੜੇ ਰਾਹ ਜਾਵਾਂ ਲੋਕੋ, ਮਹਿੰਗਾਈ ਨੇ ਪੱਟੀ
ਕੱਚਾ ਕੋਠਾ ਤਿਪ-ਤਿਪ ਚਿਉਂਦਾ, ਕੰਧਾਂ ਵੀ ਖੁਰ-ਖੁਰ ਜਾਵਣ
ਲੋਹੜੀ, ਮਾਘੀ, ਵਿਸਾਖੀ, ਦੀਵਾਲੀ ਭੂਤਾਂ ਬਣ ਬਣ ਆਵਣ
ਭੁੱਖੇ ਪੇਟ ਚੂਹੇ ਮਾਰਨ ਹੁੱਝਾਂ, ਜਾਈਏ ਜੂਠੇ ਭਾਂਡੇ ਹੀ ਚੱਟੀ
ਮੈਂ ਕਿਹੜੇ ਰਾਹ ਜਾਵਾਂ ਲੋਕੋ, ਮਹਿੰਗਾਈ ਨੇ ਪੱਟੀ
ਗੈਸ ਚੁੱਲ੍ਹਾ, ਏ.ਸੀ, ਕੂਲਰ ਤੇ ਮੋਪਿਡ ਹੋਏ ਪਹੁੰਚ ਤੋਂ ਦੂਰ
ਇਸ ਸੌਂਕਣ ਮਹਿੰਗਾਈ ਨੇ, ਪਰੋਏ ਅੰਗ-ਅੰਗ 'ਚ ਨਾਸੂਰ
ਆਸਾਂ 'ਤੇ ਬਿਜਲੀ ਡਿੱਗੀ, ਜਿੰਦ ਬਣਗੀ ਮਿੱਟੀ ਦੀ ਮੱਟੀ
ਮੈਂ ਕਿਹੜੇ ਰਾਹ ਜਾਵਾਂ ਲੋਕੋ, ਮਹਿੰਗਾਈ ਨੇ ਪੱਟੀ
ਫਿਕਰਾਂ ਦੇ ਵਿੱਚ ਦਿਨ ਲੰਘ ਜਾਂਦਾ, ਰਾਤੀਂ ਨੀਂਦ ਨਾ ਆਉਂਦੀ
'ਲੰਗੇਆਣੀਆਂ' ਕੋਠੇ ਜਿੱਡੀ ਧੀ ਵੀ ਹੋਗੀ, ਮੋਢੇ-ਮੋਢੇ ਭਾਉਂਦੀ
ਗਰੀਬੜੀ ਵਿਧਵਾ ਅਰਜ਼ ਗੁਜ਼ਾਰੇ, ਹੈਨੀਂ ਜੱਗ ਤੇ ਬਾਹਲੀ ਖੱਟੀ
ਮੈਂ ਕਿਹੜੇ ਰਾਹ ਜਾਵਾਂ ਲੋਕੋ, ਮਹਿੰਗਾਈ ਨੇ ਪੱਟੀ