ਦਾਨ (ਮਿੰਨੀ ਕਹਾਣੀ)

ਦਵਿੰਦਰ ਸਿੰਘ ਸੇਖਾ   

Email: dssekha@yahoo.com
Phone: +161 6549312
Cell: +91 9814070581
Address: ਸਰਾ ਨਿਟਿੰਗ ਵਰਕਸ 433/2, ਹਜ਼ੂਰੀ ਰੋਡ, ਲੁਧਿਆਣਾ
Sara Knitting Works, 433/2 Hazuri Road, Ludhiana Punjab India 141008
ਦਵਿੰਦਰ ਸਿੰਘ ਸੇਖਾ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਦੋ ਭਰਾਵਾਂ ਵਿਚ ਇਕ ਪਲਾਟ ਨੂੰ  ਲੈ ਕੇ ਝਗੜਾ ਚੱਲ ਰਿਹਾ ਸੀ ।ਵਡਾ ਭਰਾ ਅਮੀਰ ਪਰ ਛੋਟਾ ਵਕਤ ਕਟੀ ਕਰਨ ਜੋਗਾ । ਬਰਾਦਰੀ ਵਿਚ ਗੱਲ ਨਾ ਨਿਬੜੀ ਤਾਂ ਦੋਵਂੇ ਕਚਹਿਰੀ ਜਾ ਵੜੇ । ਕਚਹਿਰੀ ਦੇ ਧੱਕਿਆਂ ਨੇ ਦੋਹਾਂ ਦੀ ਬੱਸ ਕਰਵਾ ਦਿੱਤੀ । ਛੋਟਾ ਭਰਾ ਬਿਲਕੁਲ ਹੀ ਰਹਿ ਗਿਆ । ਕਰਜ਼ੇ ਦੇ ਭਾਰ ਹੇਠ ਸਿਰੋਂ  ਪੈਰਾਂ ਤਕ ਦਬਿਆ ਗਿਆ । ਆਖਰ ਵੀਹ ਸਾਲ ਦੀ ਮੁਕੱਦਮੇਬਾਜ਼ੀ ਮਗਰੋਂ ਫੈਸਲਾ ਵੱਡੇ ਭਰਾ ਦੇ ਹੱਕ ਵਿਚ ਹੋ ਗਿਆ । ਵੱਡੇ ਭਰਾ ਨੇ ਜਸ਼ਨ ਮਨਾਏ ਤੇ ਛੋਟਾ ਬਿਮਾਰੀ ਸਹੇੜ ਬੈਠਾ ।
ਇਸ ਤੋਂ ਮਗਰੋਂ  ਇਕ ਦਿਨ ਦੋਵੇਂ ਭਰਾ ਇਕ ਧਾਰਮਿਕ ਸਮਾਗਮ ਵਿਚ ਇਕੱਠੇ ਹੋਏ । ਛੋਟੇ ਨੂੰ ਦੇਖ ਕੇ ਵੱਡੇ ਭਰਾ ਦੇ ਮੱਥੇ ਵੱਟ ਪੈ ਗਏ । ਕੁਝ ਚਿਰ ਮਗਰੋਂ ਛੋਟੇ ਭਰਾ ਦੇ ਕੰਨਾਂ ਵਿਚ ਸਪੀਕਰ ਦੀ ਆਵਾਜ਼ ਪਈ ਕਿ ਉਸਦੇ ਭਰਾ ਨੇ ਜਿਹੜਾ ਪਲਾਟ ਮੁਕੱਦਮੇ ਵਿਚ ਜਿੱਤਿਆ ਸੀ ਉਹ ਧਾਰਮਿਕ ਸੰਸਥਾ ਨੂੰ ਦਾਨ ਕਰ ਦਿੱਤਾ । ਇਹ ਬੋਲ ਸੁਣਦਿਆਂ ਹੀ ਛੋਟੇ ਭਰਾ ਨੂੰ ਗਸ਼ ਪੈ ਗਈ ।