ਗਜ਼ਲ (ਗ਼ਜ਼ਲ )

ਹਰਚੰਦ ਸਿੰਘ ਬਾਸੀ   

Email: harchandsb@yahoo.ca
Cell: +1 905 793 9213
Address: 16 maldives cres
Brampton Ontario Canada
ਹਰਚੰਦ ਸਿੰਘ ਬਾਸੀ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਮਹਿਬੂਬ ਨੂੰ ਸੰਭਲ ਕੇ ਦੇਣਾ ਪੈਂਦਾ ਰੁਮਾਲ ਅਕਸਰ
ਹੋ ਜਾਂਦੀ ਹੈ ਝੱਟ ਵਿੱਚ ਇਸ ਦੀ ਪੜਤਾਲ ਅਕਸਰ

ਕਾਂ ਦੀ ਅੱਖ ਬੜੀ ਤੇਜ਼ ਹੁੰਦੀ ਦੂਰੋਂ ਤੱਕ ਲੈਂਦਾ
ਝਪਟ ਮਾਰ ਕੇ ਖੋਹ ਲੈਂਦਾ ਹੱਥ ਚੋਂ ਮਾਲ ਅਕਸਰ

ਇਹ ਕਿਸ ਦੀ ਵਸਤ ਕਿੰਨੀ ਸੁਹਣੀ ਕਿਥੋਂ ਆਈ
ਟੋਹਣ ਲਈ ਕਰਦੀਆਂ ਸਾਥਣਾ ਸਵਾਲ ਅਕਸਰ

ਨੱਚਣਾ ਚਾਹੁਣ ਪੈਰ ਸੁਹਣੀ ਦੇ ਜਵਾਨੀ ਵੇਲੇ ਜੇਕਰ
ਸ਼ਰੀਕਣਾ ਹੋਣ ਤਰਲੋ ਮੱਛੀ ਕਰਨ ਲਈ ਬੇਤਾਲ ਅਕਸਰ

ਸੱਭ ਕੁੱਝ ਜਾਣਦੇ ਹੋਏ ਵੀ  ਹਾਲ ਬਾਰ ਬਾਰ ਪੁਛਣ
ਮਨਸ਼ਾ ਹੋਰ ਹੁੰਦੀ ਗੱਲ ਤੋਂ ਲਾਹੁਣ ਲਈ ਵਾਲ ਅਕਸਰ

ਦੁਨੀਆਂ ਦੀ ਨਜ਼ਰ ਬਹੁਤ ਬੁਰੀ ਹੱਸਦਾ ਦੇਖ ਨਹੀਂ ਜਰਦੀ
ਨਿਸ਼ਾਨੀ ਯਾਰ ਦੀ ਰੱਖਣੀ ਪੈਂਦੀ ਸੰਭਾਲ ਅਕਸਰ

ਇਹ ਦੁਨੀਆਂ ਹੈ ਯਾਰੋ ਬੇਮੁਰੱਵਤ ਹੈ ਤੇ ਬੇਵਫਾ ਹੈ
ਪੈਰ ਪੈਰ ਤੇ ਰੱਖਣਾ ਪੈਂਦਾ ਇਹਦਾ ਖਿਆਲ ਅਕਸਰ