amitriptyline nerve pain relief
nerve
pain amitriptyline
ਮੈਂ ਹਵਾਂਵਾਂ ਸੰਗ ਦੋਸਤੀ ਕਿੱਦਾਂ ਨਿਭਾਵਾਂ ਦੋਸਤੋ
ਬੁਝਾਂਉਂਦੀਆਂ ਨੇ ਦੀਪ ਜੋ ਕਿੱਦਾਂ ਜਗਾਵਾਂ ਦੋਸਤੋ।
ਸੂਰਜਾਂ ਦੀ ਤਪਸ਼ ਨੇ ਧਰਤੀ ਦੇ ਸੀਨੇ ਲੂਹ ਲਏ
ਰੁੱਸੀਆਂ ਘਟਾਵਾਂ ਕਾਲੀਆਂ ਕਿੱਦਾਂ ਮਨਾਵਾਂ ਦੋਸਤੋ।
ਸਾਗਰ 'ਚ ਕਿੰਨਾ ਸ਼ੋਰ ਹੈ ਉਠਦੇ ਨੇ ਝੱਖੜ ਤੇ ਤੂਫਾਂ
ਲਹਿਰਾਂ ਨੂੰ ਪੈਂਦੇ ਹੌਲ ਨੇ ਕਿੱਦਾਂ ਬਚਾਵਾਂ ਦੋਸਤੋ।
ਚੰਨ ਤਾਰਿਆਂ ਦੀ ਰੋਸ਼ਨੀ 'ਚ ਕਾਲਖ ਦੀ ਕੋਈ ਲੀਕ ਹੈ
ਦਿਸਹੱਦਿਆਂ ਤੋਂ ਦੂਰ ਹੈ ਕਿੱਦਾਂ ਮਿਟਾਵਾਂ ਦੋਸਤੋ।
ਕੁਦਰਤ ਦੀ ਕੁੱਖ ਵੀਰਾਨ ਹੈ ਸੂਰਜ ਨੂੰ ਲੱਗਾ ਗ੍ਰਹਿਣ ਹੈ
ਕਿੰਨਾ ਕੁ ਦਾਨ ਦੇ ਦਿਆਂ ਕਰਕੇ ਦੁਆਵਾਂ ਦੋਸਤੋ।
ਆਲ੍ਹਣੇ ਵਿਚ ਤੜਪਦੇ ਬੋਟਾਂ ਦਾ ਕੀ ਕਸੂਰ ਹੈ?
ਚੋਗੇ ਲਈ ਕਿਉਂ ਕਲਪਦੇ ਭੁਗਤਣ ਸਜ਼ਾਵਾਂ ਦੋਸਤੋ।
ਮਹਿਕਾਂ ਭਰੀ ਇਸ ਧਰਤ ਨੂੰ ਫੁੱਲ ਬੀਜ ਕੇ ਸਿਜਦਾ ਕਰੋ
ਪਤਝੜ ਨੂੰ ਆਖੋ ਅਲਵਿਦਾ ਬਣਕੇ ਬਹਾਰਾਂ ਦੋਸਤੋ।