ਗ਼ਜ਼ਲ (ਗ਼ਜ਼ਲ )

ਹਰਚੰਦ ਸਿੰਘ ਬਾਸੀ   

Email: harchandsb@yahoo.ca
Cell: +1 905 793 9213
Address: 16 maldives cres
Brampton Ontario Canada
ਹਰਚੰਦ ਸਿੰਘ ਬਾਸੀ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਮੇਰੇ ਜ਼ਖਮਾਂ ਤੇ ਧਰ ਰਿਹਾ ਫਹੇ ਮੈਨੂੰ ਟਿਕਾਵਣ ਵਾਸਤੇ
ਲਾ ਰਿਹਾ ਉਧਰ ਲੜੀਆਂ ਨੇਤਾ ਨੂੰ ਲੁਭਾਵਣ ਵਾਸਤੇ

 ਚੋਰ ਨਾਲ   ਵੀ ਯਾਰੀ ਤੇ ਯਾਰੀ ਮੁਦੱਈ ਨਾਲ  ਵੀ ਹੈ                                                                           ਖੇਲ ਰਿਹਾ ਹੈ ਉਹ ਖੇਲ ਦੋਹਾਂ ਨੂੰ ਹਰਾਵਣ   ਵਾਸਤੇ                

ਮੈਂਨੂੰ ਕਹਿ ਰਿਹਾ ਉਹ  ਕਿ ਚੋਰ ਬਖਸ਼ੇ ਨਹੀਂ ਜਾਣਗੇ
ਉਧਰ ਲਾ ਰਿਹਾ ਹੈ ਜੋਰ ਉਹ ਪੈੜਾਂ ਮਿਟਾਵਣ ਵਾਸਤੇ

ਕਤਲ ਦੀ ਸ਼ਾਜਸ ਘੜਣ ਵਾਲਾ ਵੀ ਉਹੀ ਇਨਸਾਨ ਹੈ
ਦੇ ਰਿਹਾ ਜੋ ਮੋਢਾ ਮੂਹਰੇ ਅਰਥੀ ਉਠਾਵਣ ਵਾਸਤੇ

ਆਫਤ ਦੇ ਮਾਰਿਆਂ ਨੂੰ  ਉਂਝ ਉਹ ਸਰਕਾਰੀ ਕੰਬਲ ਵੰਡਦਾ
ਅਸਲ ਵਿੱਚ ਸੰਦੇਸ਼ ਦਿੰਦਾ ਚੋਣਾਂ ਜਿਤਾਵਣ ਵਾਸਤੇ

ਆਦਮੀ  ਦੇ ਅੰਦਰ ਨੂੰ ਸਮਝਣਾ ਕੋਈ ਅਸਾਨ ਖੇਲ ਨਹੀਂ
ਅਕਲ ਨੂੰ ਜਗਾਉਣਾ ਪੈਂਦਾ ਖੇਲ ਸਮਝਾਵਣ ਵਾਸਤੇ

ਉਚੇ ਅਸਮਾਨ ਤੇ ਉਡਦਾ ਬਾਸੀ ਬੰਦਾ ਕਦੀ ਨਹੀ ਸੋਚਦਾ
ਕਿ ਮਿਲਣੀ ਦੋ ਗਜ਼ ਜਮੀਨ ਇਥੇ ਕਬਰ ਬਣਾਵਣ ਵਾਸਤੇ