ਤਿੰਨ ਪੁਸਤਕਾਂ ਕੀਤੀਆਂ ਰਿਲੀਜ,ਅਤੇ ਮਹੀਨਾਵਾਰ ਇਕੱਤਰਤਾ (ਖ਼ਬਰਸਾਰ)

ਸੰਦੌੜ-- ਪਿੰਡ ਬਿਸਨਗੜ ਬਈਏਵਾਲ ਦੇ ਗੁਰਦੁਆਰਾ ਸਿੰਘ ਸਭਾ ਵਿਖੇ ਕੰਪਿਊਟਰ ਦੇ ਖੇਤਰ ਨਾਲ ਸਬੰਧਿਤ ਤਿੰਨ ਪੁਸਤਕਾਂ ਦੀ ਰਿਲੀਜ ਕੀਤੀਆਂ ਰਿਲੀਜ ਕੀਤੀ ਗਈ ਗੁਰਦੁਆਰਾ ਸਾਹਿਬ ਵਿਖੇ ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਪਾਏ ਗਏ ਅਤੇ ਸੰਤ ਬਾਬਾ ਜੰਗੀਰ ਸਿੰਘ ਜੀ ਤੋਂ ਵਰੋਸਾਏ ਸੰਤ ਬਾਬਾ ਧੰਨਾ ਸਿੰਘ ਜੀ ਬੜੂੰਦੀ ਵਾਲਿਆਂ ਅਤੇ ਸੰਤ ਬਾਬਾ ਰਜਨੀਸ ਸਿੰਘ ਨੱਥੂਮਾਜਰਾ ਵਾਲਿਆਂ ਵੱਲੋਂ ਰੂਹਾਨੀ ਕੀਰਤਨ ਦੁਆਰਾ ਸੰਗਰਾਂ ਨੂੰ ਉਪਦੇਸ ਦਿੱਤਾ ਗਿਆ।ਭੋਗ ਉਪਰੰਤ ਪੰਜਾਬੀ ਦੇ ਉਘੇ ਤੇ ਸਮਾਜ ਨੂੰ ਸਮਰਪਿਤ ਸਥਾਪਿਤ ਲੇਖਕ ਹਰਮਿੰਦਰ ਸਿੰਘ  ਅਤੇ ਲੇਖਿਕਾਂ ਅਮਨਦੀਪ ਕੌਰ ਜਲਵਾਣਾ  ਵੱਲੋਂ ਲਿਖੀਆਂ ਤਿੰਨ ਕਿਤਾਬਾਂ "ਦਫਤਰੀ ਵਰਤੋਂ ਲਈ ਕੰਪਿਊਟਰ ਕਿਵੇਂ ਸਿੱਖੀਏ,ਆਓ ਕੰਪਿਊਟਰ ਸਿੱਖੀਏ ਅਤੇ ਕੰਪਿਊਟਰ ਸਬੰਧੀ ਸਵਾਲ ਜਵਾਬ ਨੂੰ ਲੋਕ ਅਰਪਨ ਕੀਤਾ ਗਿਆ।ਕਿਤਾਬਾਂ ਨੂੰ ਲੋਕ ਅਰਪਨ ਕਰਨ ਦੀ ਰਸਮ ਵਿੱਚ ਸੰਤ ਬਾਬਾ ਧੰਨਾ ਸਿੰਘ ਜੀ ਬੜੂੰਦੀ ਵਾਲਿਆਂ ਅਤੇ ਸੰਤ ਬਾਬਾ ਰਜਨੀਸ ਸਿੰਘ ਨੱਥੂਮਾਜਰੇ ਵਾਲੇ, ਰਿਟਾਇਡ ਪ੍ਰਿੰਸੀਪਲ ਬਾਬੂ ਸਿੰਘ ਸੰਦੋੜ ,ਪ੍ਰਕਾਸਕ ਅਮਿਤ ਮਿੱਤਰ ਤਰਕਸੀਲ ਸੁਸਾਇਟੀ, ਮੁਨਸੀ ਗੁਰਤੇਜ ਸਿੰਘ, ਹਰਦੇਵ ਸਿੰਘ ਪੱਪੂ ਕਲਿਆਣ (ਸੂਬਾਈ ਆਗੂ ਸੌਮਣੀ ਅਕਾਲੀ ਦਲ ਮਾਨ),ਅਕਾਲੀ ਆਗੂ ਡਾ. ਮਨਦੀਪ ਸਿੰਘ ,ਸਟੇਟ ਐਵਾਰਡੀ ਲੇਖਕ ਗੁਰਦੇਵ ਸਿੰਘ ਚੁੰਬਰ ਸਮੇਤ ਉਘੇ ਲੇਖਕਾਂ ਦੁਆਰਾ ਅਦਾ ਕੀਤੀ ਗਈ ।ਇਸ ਮੋਕੇ ਪ੍ਰਿੰਸੀਪਲ ਬਾਬੂ ਸਿੰਘ,ਪਰੋਫੈਸਰ ਗੁਰਦੇਵ ਸਿੰਘ ਸੰਦੌੜ ਨੇ ਸਮਾਗਮ ਨੂੰ ਸੰਬਧਨ ਕਰਦਿਆ ਕਿਹਾ ਕਿ ਲੇਖਕ ਹਰਮਿੰਦਰ ਸਿੰਘ  ਅਤੇ ਲੇਖਿਕਾਂ ਅਮਨਦੀਪ ਕੌਰ ਜਲਵਾਣਾ  ਵੱਲੋਂ ਲਿਖੀਆਂ ਕੰਪਿਊਟਰ ਦੇ ਖੇਤਰ ਸੰਬੰਧੀ ਤਿੰਨ ਕਿਤਾਬਾਂ ਵਿਦਿਆ ਖੇਤਰ ਵਿੱਚ ਆਪਣਾ ਅਹਿਮ ਰੋਲ ਨਿਭਾਉਣਗੀਆਂ ਅੱਜ ਦੇ ਵਿਗਿਆਨਕ ਯੁੱਗ ਵਿੱਚ ਕੰਪਿਊਟਰ ਦੀ ਵਰਤੋਂ ਦੇ ਹਰ ਖਿੱਤੇ ਵਿੱਚ ਵਧ ਗਈ ਹੈ ਤੇ ਇਸ ਸਬੰਧੀ ਲੋਕਾਂ ਨੂੰ  ਆ ਰਹੀਆਂ ਦਿੱਕਤਾਂ ਨੂੰ ਹੱਲ ਕਰਨ ਲਈ ਇਹ ਪੁਸਤਕਾਂ ਕਾਰਗਰ ਸਿੱਧ ਹੋਣਗੀਆਂ।ਉਨ੍ਹਾਂ ਕਿਹਾ ਕਿ ਪੁਸਤਕਾਂ ਵਿੱਚ ਲੋਕਾਂ ਨੂੰ ਕੰਪਿਊਟਰ ਵਿਸੇ ਸਬੰਧੀ ਹਰ ਜਾਣਕਾਰੀ ਮਹੁੱਈਆ ਕਰਵਾਈ ਗਈ ਹੈ।ਇਸ ਮੋਕੇ ਇਹਨਾਂ ਕਿਤਾਬਾਂ ਦੇ ਲੇਖਕ ਹਰਮਿੰਦਰ ਸਿੰਘ ਅਤੇ ਅਮਨਦੀਪ ਕੌਰ ਨੇ ਸਮਾਗਮ ਵਿੱਚ ਪਹੁੰਚੇ ਲੇਖਕਾਂ ,ਬੁੱਧੀਜੀਵੀਆਂ ਅਤੇ ਪਵੰਤਿਆਂ ਦਾ ਧੰਨਵਾਦ ਕੀਤਾ ।

ਪੰਜਾਬੀ ਸਾਹਿਤ ਸਭਾ,ਸੰਦੌੜ ਦੀ ਮਹੀਨਾਵਾਰ ਇਕੱਤਰਤਾ

੨੯-੦੫-੨੦੧੩ ਨੂੰ ਪੰਜਾਬੀ ਸਾਹਿਤ ਸਭਾ,ਸੰਂਦੌੜ ਦੀ ਮਹੀਨਾਵਾਰ ਇਕੱਤਰਤਾ ਹੋਈ । ਜਿਸ ਦੀ ਪ੍ਰਧਾਨਗੀ ਸ. ਨਾਇਬ ਸਿੰਘ ਬੁੱਕਣਵਾਲ ਪ੍ਰਧਾਨ ਪੰਜਾਬੀ ਸਾਹਿਤ ਸਭਾ,ਸੰਦੌੜ ਨੇ ਕੀਤੀ।ਇਹ ਸਭਾ ਦੀ ਇਕੱਤਰਤਾ ਸਾਹਿਬ ਕੰਪਿਊਟਰ ਸੈਂਟਰ ਵਿਖੇ ਹੋਈ।'ਇਸ ਸਭਾ ਨੂੰ ਸੰਬੌਧਨ ਕਰਦੇ ਹੋਏ ਨਾਇਬ ਸਿੰਘ ਬੁੱਕਣਵਾਲ ਨੇ ਕਿਹਾ ਕਿ ਸਾਹਿਤ ਦੀ ਸਿਰਜਣਾ ਨਾਲ ਹੀ ਅਸੀਂ ਇੱਕ ਨਿਰੋਏ ਸਮਾਜ ਦੀ ਸਿਰਜਣਾ ਕਰ ਸਕਦੇ ਹਾਂ।ਜਿਸ ਨਾਲ ਸਭ ਦਾ ਭਲਾ ਹੋ ਸਕਦਾ ਹੈ ਕਿਉਂ ਕਿ ਇੱਕ ਨਿਰੋਇਆ ਸਮਾਜ ਵਿੱਚ ਰਹਿੰਦੇ ਵਿਅਕਤੀ ਇੱਕ ਨਿਰੋਈ ਸੋਚ ਦੇ ਧਾਰਨੀਂ ਬਣ ਸਕਦੇ ਹਨ। ਜਿਸ ਨਾਲ ਸਮਾਜ ਨੂੰ ਇੱਕ ਚੰਗੀ ਸੇਧ ਮਿਲ ਸਕਦੀ ਹੈ। ਇਸ ਸਭਾ ਵਿੱਚ ਰਚਨਾਵਾਂ ਦਾ ਦੌਰ ਵੀ ਚੱਲਿਆ ਜਿਸ ਵਿੱਚ ਹਰਮਿੰਦਰ ਸਿੰਘ ਰਾਜ ਨੇ ਆਪਣੀਆਂ ਰਚਨਾਵਾਂ ਨਾਲ ਅਗਾਜ ਕੀਤਾ। ਗੋਬਿੰਦ ਸੰਦੋੜਵੀ ਪ੍ਰੈੱਸ ਸਕੱਤਰ ਨੇ ਆਪਣੀ ਮਿੰਨੀ ਕਹਾਣੀ ' ਕੁੱਤਿਆਂ ਦੀ ਕਾਨਫਰੰਸ' ਸੁਣਾਈ। ਖਜਾਨਚੀ ਬਲਵੰਤ ਫਰਵਾਲੀ ਨੇ ਆਪਣੀ ਰਚਨਾ ' ਕੰਡਿਆਲੀ ਤਾਰ' ਪੇਸ਼ ਕੀਤੀ। ਜਸਵੀਰ ਸਿੰਘ ਕੰਗਣਵਾਲ ਨੇ ਸਾਹਿਤ ਬਾਰੇ ਆਪਣੇ ਵਿਚਾਰ ਪੇਸ਼ ਕੀਤੇ। ਮਾਸਟਰ ਨਿਰਮਲ ਸਿੰਘ ਸੰਦੋੜ ਨੇ ਵੀ ਆਪਣੇ ਵਿਚਾਰਾਂ ਰਾਹੀਂ ਸਾਹਿਤ ਪ੍ਰਤੀ ਭਰਭੂਰ ਚਾਨਣਾ ਪਾਈ। ਨਾਇਬ ਸਿੰਘ ਬੁੱਕਣਵਾਲ ਨੇ ਆਪਣੀ ਰਚਨਾ 'ਸਲਾਮ' ਪੇਸ਼ ਕੀਤੀ। ਇਸ ਸਭਾ ਵਿੱਚ ਜਸਵੀਰ ਕਲਿਆਣ, ਰਣਜੀਤ ਝੁਨੇਰ, ਤਰਸੇਮ ਮਹਿਤੋ, ਮਾਸਟਰ ਦਰਬਾਰਾ ਸਿੰਘ, ਨੇ ਆਪਣੀ ਹਾਜ਼ਰੀ ਲਵਾਈ।

  ਸਭਾ ਦੇ ਅੰਤ ਵਿੱਚ ਨਾਇਬ ਸਿੰਘ ਬੁੱਕਣਵਾਲ ਸਾਰੇ ਸਾਹਿਤਕਾਰਾਂ ਦਾ ਇਸ ਸਭਾ ਵਿੱਚ ਹਾਜ਼ਰੀ ਲਵਾਉਣ ਲਈ ਧੰਨਵਾਦ ਕੀਤਾ। ਇਸੇ ਤਰ੍ਹਾਂ ਹਰ ਮਹੀਨੇ ਸਾਹਿਤਕ ਵਿਚਾਰਾਂ ਕਰਨ ਲਈ ਸਾਰਿਆਂ ਨੂੰ ਸੱਦਾ ਦਿੱਤਾ।ਇਸ ਸਭਾ ਵਿੱਚ ਹੈਪੇਟਾਈਸ-ਸੀ ( ਕਾਲੇ ਪੀਲੀਏ) ਪ੍ਰਤੀ ਵੀ ਗੰਭੀਰ ਰੂਪ ਵਿੱਚ ਵਿਚਾਰ ਕੀਤੇ ਗਏ, ਜੋ ਸਾਡੇ ਲੋਕਾਂ ਵਿੱਚ ਬਹੁਤ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਇਸ ਤੋਂ ਲੋਕਾਂ ਨੂੰ ਸੁਚੇਤ ਕਰਨ ਲਈ ਲਿਟਰੇਚਰ ਵੰਡਣ ਦੀ ਵੀ ਗੱਲ ਕੀਤੀ ਗਈ ਅਤੇ ਵੱਡੇ ਵੱਡੇ ਫਲੈਕਸ ਬਣਵਾ ਕੇ ਜਨਤਕ ਥਾਵਾਂ ਤੇ ਲਾਉਣ ਲਈ ਵੀ ਸਹਿਮਤੀ ਪ੍ਰਗਟਾਈ ਗਈ।