ਨੀਰ ਬਚਾਓ (ਕਵਿਤਾ)

ਓਮਕਾਰ ਸੂਦ   

Email: omkarsood4@gmail.com
Cell: +91 96540 36080
Address: 2467,ਐੱਸ.ਜੀ.ਐੱਮ.-ਨਗਰ
ਫ਼ਰੀਦਾਬਾਦ Haryana India 121001
ਓਮਕਾਰ ਸੂਦ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਤੁਪਕਾ-ਤੁਪਕਾ ਨੀਰ ਬਚਾਓ।
ਦੁਨੀਆ ਦੀ ਤਕਦੀਰ ਬਚਾਓ।
ਪਾਣੀ ਦੇ ਬਿਨ ਨਹੀਓਂ ਸਰਨਾ,
ਇਸ ਨੂੰ ਬਣਕੇ ਵੀਰ ਬਚਾਓ।
ਰੁੱਖ ਲਗਾਓ ਫਲ-ਫੁੱਲ ਵਾਲੇ,
ਅੰਬ-ਜਾਮਨ-ਅੰਜ਼ੀਰ ਬਚਾਓ।
ਨਦੀਆਂ ਵਿੱਚ ਨਾ ਗੰਦ ਉਧੇਲੋ,
ਨਦੀਆਂ ਦੀ ਵਹੀਰ ਬਚਾਓ।
ਗੰਗਾ ਮਾਂ ਦਾ ਹੋਈ ਜਾਂਦੈ,
ਆਪਾ ਲੀਰੋ-ਲੀਰ ਬਚਾਓ।
ਫਿਰ ਪਛਤਾਇਆਂ ਕੁਝ ਨਹੀਂ ਹੋਣਾ,
ਇਹ ਮੌਕਾ ਅਖੀਰ ਬਚਾਓ।
ਡੱਡੂਆਂ-ਮੱਛੀਆਂ-ਕੱਛੂਆਂ ਜਿਹੇ,
ਜਲ ਜੀਵਾਂ ਲਈ ਨੀਰ ਬਚਾਓ।
ਝਰਨਿਆਂ ਰਾਹੀਂ ਝਰ-ਝਰ ਵਹਿੰਦਾ,
ਇਹ ਕੁਦਰਤ ਦਾ ਸ਼ੀਰ ਬਚਾਓ।
ਪਾਣੀ ਦੇ ਸੰਗ ਬਣਿਆਂ ਜਿਹੜਾ,
ਹਰ ਇੱਕ ਦਾ ਸ਼ਰੀਰ ਬਚਾਓ।
ਪਾਣੀ ਰਾਜਾ-ਧਰਤੀ ਰਾਣੀ,
ਸਭ ਜੰਗਲ ਵਜੀਰ ਬਚਾਓ।
ਕਰ ਪਛਤਾਵੇ ਵਹਿਣਾ ਅੱਖੀਓਂ,
ਅੱਖੀਆਂ ਦਾ ਇਹ ਨੀਰ ਬਚਾਓ।